Uni‘s Journey

 好耐都无更新了
或者系因为唔知可以讲咩

清明就快到了
此时此刻
我好挂住嬷嬷
……

细细个既时候 爸爸妈妈在外面忙于工作
都系嬷嬷照顾我平时起居饮食

每日放学翻屋企
嬷嬷都会已经煮定餸等我地翻黎
距煲D汤好好饮 好甜 好多料
果种味道 之后我好都耐无饮到过

系我放寒暑假既时候
嬷嬷 经常要我陪去打2人麻将
1毫纸1粒 但其实我成日出千

当我做错野或者唔听话既时候
嬷嬷 就会讲“如果你系我个女，我一早就打你啦。”
其实 我知道距唔会
就算真系打 距都系爱我的

嬷嬷性格比较内向 唔中意出去识朋友
所以 平时除左出去买餸 都唔会点出街
唔记得系初中 定系高中了
基于各种原因 嬷嬷住左入养老院
其实我当时知道左之后
真系好失落 真系好伤心
但系我咩都做唔到

无几耐 嬷嬷就大病左一场
跟住食咩都觉得无味 胃口越黎越差
人也都越黎越瘦
我真系好心痛 好心痛……

到我上了大学的时候
学校离养老院好近
我地每个星期都固定去探嬷嬷
但系其实 我现在真系好后悔同内疚
点解果时 唔抽多D时间去陪距倾计

大四毕业前夕 嬷嬷走了
我记得当时 刚下班从龙口东果个车站准备搭车翻学校
听到电话后 我真系觉得成个脑都空左甘
咩都淋唔到 咩都唔想淋

到医院的时候
看见她失去血色的脸
摸到她冰冷的手
我已经无办法用言语描述翻当时的心情

她 走了
她 真的走了
她 永远都唔会再同我讲野了

直到现在

我 还是接受不了她的离去
我 真的很想她
我 真的很爱她

我真系希望衣个世界真系有天堂
嬷嬷 只系去左另一个地方而已
见翻爷爷 两老幸幸福福甘生活

其实
我们 都应该
珍惜所有我爱的和爱我的人

晚安。